کراچی:
ایف بی آرکی جانب سے ٹیکسٹائل ملوں کی سرگرمیوں کی کیمروں کے ذریعے مانیٹرنگ کے فیصلے،سندھ کے کئی علاقوں میں فعال جننگ فیکٹریوں میں چھاپوں اورریکارڈز تحویل میں لینے کے باعث پورے کاٹن سیکٹر میں تشویش کی لہردوڑگئی۔
چیئرمین کاٹن جنرز فورم احسان الحق کے مطابق سرکاری محکموں کے منفی رویوں کے باعث صرف 2025-26 میں 100 سے زائدجننگ فیکٹریاں غیر فعال ہونے کے بعد ایف بی آر کے چھاپوں سے مزیدکاٹن جننگ فیکٹریاں اور آئل ملز غیر فعال ہونے کے خدشات پیداہوگئے ہیں۔